STARTinnova Day

Muturreko aldaketen aroan patxadari eustea, ziurgabetasunarekin bizitzen jakitea eta aukerei ahalik eta etekinik handiena ateratzea funtsezko abildadeak dira, maila indibidualean zein talde-mailan. Beldurra kutsakorra da, baina baita lasaitasuna ere.

Ekintzailetza abildade bat da eta, beraz, entrena daiteke.Saio honetan hitz egingo dugu, baina batez ere entrenatu egingo ditugu gure sektoreko hezkuntza-liderrak bereizten dituzten abildadeetako batzuk, eta gure ikastetxeak eta gure garaiko ikasleek jasotzen duten heziketa aldatzen ari diren pertsonak definitzen dituzten ezaugarriak aztertuko ditugu.

Hezkuntza-etapen artean dagoen lotura faltaz eta, berritzeko, ekiteko eta arazoei irtenbideak aurkitzeko gaitasunari eragiten dieten funtsezko alderdietan, Batxilergoaren eta Unibertsitatearen artean dagoen arrakalaz hitz egingo da. Berrikuntzaren eta ekintzailetzaren oinarrian dauden gaitasunak eskola-garaitik irakasleekin eta ikastetxeetako zuzendaritza-taldeekin batera lantzea funtsezkoa da hutsune hori murrizteko eta mundu errealeko beharrekin konektatuta egongo diren eta egungo zein etorkizuneko aldaketen protagonista izango diren ikasleak prestatzeko.

Hezkuntza krisian dago. Hemen, gure herrialdean, eta mundu osoan. Hazkuntza-krisia da, metamorfosi-krisia. Ezagutzen dugun errealitateari beste modu begiratu beharra dugu, errealitate horri galderak egin beharra. Beharrezkoa da hezkuntza berrimajinatzea, eta hezkuntzaren zergatia eta zertarakoa birplanteatzea. Hein batean, egin izan dugu, azkeneko hamar urteetako jarduera berritzaile ugarien bitartez. Baina egunerokotasunetik harago begiratu beharra dugu, gure ikasleak biziko diren munduan pentsatu beharra, eta eraldaketa sakoneko fase berri batean sartzeko gai izan behar gara. Hezkuntza-aldaketako nazioarteko joerak ezagutu behar ditugu, geldiarazten gaituzten oztopoak, zalantzak eta beldurrak gainditzen ausart gaitezen eta, era horretan, estrategia berrien bitartez, amesten dugun eskola lortzeko jauzi bat egin ahal dezagun.